თიბისი-დააზღვიე tbc.ge-ზე

თიბისი ბანკი 1992 წელს დაარსდა, რომელმაც მნიშვნელოვანი პროგრესი განიცადა მომდევნო ათწლეულებში და დღესდღეობით ყველა საჭირო პროდუქტს გვთავაზობს, მაგრამ დღეს ჩვენ ამ სტატიაში მხოლოდ თი ბი სის დაზღვევებს განვიხილავთ.

რას გვიზღვევს თიბისი?

TBC ბანკს აქვს 6 ტიპის დაზღვევა, ესენია:

• საკრედიტო შენატანის დაზღვევა
• ავტომფლობელის პასუხისმგებლობის დაზღვევა
• ქონების დაზღვევა
• ავტომობილის დაზღვევა
• სამოგზაურო დაზღვევა
• ბარათის უსაფრთხოების სერვისი

რა არის საკრედიტო შენატანის დაზღვევა?

ეს არის თიბისის ახალი პროდუქტი, რომელიც კლიენტს სთავაზობს დაზღვევას სესხის ან საკრედიტო ბარათის გადასახადის ვერ დაფარვის შემთხვევაში. მაგალითად, თქვენ გაქვთ აღებული იპოთეკური სესხი, რა თქმა უნდა გადახდისუნარიანი ხართ, მაგრამ გარკვეული დროის შემდეგ მოხდა თქვენს ცხოვრებაში ისეთი რაღაც, რამაც გაგხადათ გადახდისუუნარო, ამ დაზღვევით თიბისი დაფარავს მომდევნო 6 თვის გადასახადს. ამ პაკეტის შეძენა შეგიძლიათ როგორც ახალ, ასევე უკვე არსებულ სესხის ან საკრედიტო ბარათის შემთხვევაში. ამ ტიპის დაზღვევის საკომისიო დამოკიდებულია თუ რას აზღვევთ, რისი ნახვაც შეგიძლიათ თი ბი სის ოფიციალურად ვებ გვერდზე.

რა შემთხვევის დროს აგინაზღაურდებათ თანხა?

• მხოლოდ იმ დროს თუ კი დარჩებით უმუშევარი ან უბედურ შემთხვევაში მოყვებით.

1. უმუშევრობად განიხილება თუ კი დამსაქმებელი იძულებით შეგიწყვეტთ შრომით ხელშეკრულებას. (კომპანიის ლიკვიდაციის, რეორგანიზაციის ან შემცირების შემთხვევაში).
2. უბედურ შემთხვევად თიბისი განიხილავს - ნებისმიერ ტრავმას, რომელიც ხელს შეუშლის თქვენს სამსახურეობრივ მოვალეობას და შეგიმცირებთ შრომისუნარიანობას.

ავტომფლობელის პასუხისმგებლობის დაზღვევა

ამ პაკეტით თქვენ დაზღვეული ხართ იმ შემთხვევებისგან, როგორიცაა: მესამე პირის ჯანმრთელობის დაზიანება, მანქანის ან სხვა ქონების განადგურება/დაზიანებით. მაშ ასე, რა შემთხვევაში აგინაზღაურდებათ თანხა?

• ამ პაკეტით იზღვევა ავტოსაგზაო შემთხვევისას დაზღვეულის ბრალეულობით მესამე მხარისათვის მიყენებული ზიანი.

1. მესამე მხარის ჯანმრთელობა
2. მესამე მხარის ქონება (თუნდაც ავტომობილი)

მესამე პირის ჯანმრთელობის დაზიანებისას ანაზღაურდება ქვემოთ ჩამოთვლილი ყველა პირობა, ლიმიტის ფარგლებში:

1. მკურნალობისთვის საჭირო თანხები
2. შრომისუუნარობის ან გარდაცვალების შემთხვევაში დაზღვეულის მისაღები ჯამური დასაბუთებული შემოსავალი, არაუმეტეს 5 წლის მანძილზე.

რაც შეეხება მესამე პირის ქონების ანაზღაურებას, ანაზღაურდება:

1. ქონების სრულად განადგურების დროს - ქონების საბაზრო ღირებულებას გამოკლებული ნარჩენი ღირებულება
2. ქონების ნაწილობრივ დაზიანების შემთხვევაში - შეკეთების ხარჯები.

პოლისი უვადოა და თუ მოგესურვებათ გაუქმება, შეგიძლიათ მიბრძანდეთ თიბისი ბანკში და დაწეროთ განაცხადი.

ქონების დაზღვევა

ეს პოლისი ითვალისწინებს თქვენ საკუთრებაში ან სარგებლობაში არსებულ ქონების განადგურების/დაზიანების ხარჯების ანაზღაურებას. ქონების დაზღვევა გიცავთ ყველა შესაძლო შემთხვევისგან, რომელიც საფრთხეს შეუქმნის თქვენს ქონებას, ეს იქნება:

• ხანძარი
• წყალგაყვანილობის დაზიანება
• სტიქიური უბედურებები
• ვანდალიზმი
• ძარცვა და ა.შ.

რა პირობებს უნდა ვაკმაყოფილებდე, რომ შევძლო ქონების დაზღვევით სარგებლობა?

ქონება, ეს იქნება ბინა თუ სახლი, აუცილებელია, რომ აშენებული იყოს 1955 წლის შემდეგ, დამზღვევი პირი უნდა ბრძანდებოდეს მინიმუმ 18 წლის მაინც, ქონების ფართობი უნდა იყოს მაქსიმუმ 500 კვადრატული მეტრი და ბინა არ უნდა იყოს მუდმივი მცხოვრების გარეშე. ამასთან ერთად თუ დამზღვევი იძულებულია, რომ დატოვოს ბინა და იქირაოს სხვა, რაიმე სადაზღვევო შემთხვევის დროს, თიბისი აუნაზღაურებს სამი თვის გადასახადს, თვეში მაქსიმუმ 500 აშშ დოლარს.

ავტომობილის დაზღვევა

ამ პოლისით სარგებლობისას დაზღვეულია თქვენ საკუთრებაში ან სარგებლობაში არსებული ავტომობილი შემდეგი შემთხვევებისგან: ავტოსაგზაო, სტიქიური უბედურებები, ქურდობა/ძაცვისგან, ყაჩაღობისგან, ბოროტგანზრახული შემთხვევებისგან, საგნების ვარდნისა და სარკეების/მინების ცალკეული დაზიანებებისგან. რა პირობებს უნდა აკმაყოფილებდეთ, რომ ისარგებლოთ თიბისის ავტო დაზღვევით?

• თქვენი ასაკი უნდა იყოს მინიმუმ 18 წელი
• ავტომობილს უნდა იყენებდეთ პირადი გადაადგილებისთვის
• გქონდეთ მოქმედი მართვის მოწმობა.

პოლისი მოქმედია 1 წლის განმავლობაში, გადასახადი დამოკიდებულია თქვენ ასაკსა და ფრანშიზის ოდენობაზე. რა არის ფრანშიზა? ეს არის თანხა, რომელიც არ აგინაზღაურდებათ. მაგალითად, შეიძინეთ რაღაც პაკეტი და ფრანშიზა აქვს 500$. მოხდა ისეთი რამ, რომ ზარალი მიიღეთ 600$-ის და გგონიათ, რომ დაზღვევა ამ 600$-ს აგინაზღაურებთ, ცდებით. დაზღვევა მხოლოდ 100$-ს აგინაზღაურებთ, რადგან იყიდეთ პოლისი, რომელსაც ფრანშიზა 500$ აქვს.

სამოგზაურო დაზღვევა

ხშირად მოგზაურობთ, ხშირად გიწევთ ბიზნეს შეხვედრებზე სიარული სხვადასხვა ქვეყანაში? მაშინ ეს პაკეტი თქვენთვისაა. სამოგზაურო დაზღვევა გვეხმარება საზღვარგარეთ ყოფნისას უეცარი ავადმყოფობით გამოწვეული ხარჯების თავიდანასაცილებლად, ეს იქნება ამბულატორიული მკურნალობა, სამედიცინო-სტაციონალური თუ სხვა. აქვე დავამატებთ, რომ ეს პოლისი აანაზღაურებს გარდაცვალებით გამოწვეულ ხარჯებსაც. ვის შეუძლია ამ პოლისით სარგებლობა? ყველას, ვისაც სურს მოგზაურობა და არის 85 წლამდე ასაკის ადამიანი. ჯანმრთელობას რომ თავი დავანებოთ, გაითვალისწინეთ, რომ მსოფლიოს ბევრი ქვეყანა მოითხოვს სამოგზაურო დაზღვევას, როგორც პასპორტს ან ვიზას, ანუ მნიშვნელოვანი დოკუმენტია წარსადგენად.

ბარათის უსაფრთხოების სერვისი

ამ პოლისით თქვენ იცავთ ბარათს არალეგალური გამოყენებისგან, როგორც საქართველოს მასშტაბით, ასევე საზღვარგარეთ. ამ სერვისით სარგებლობისას თიბისი აგინაზღაურებთ თანხას, თუ მესამე პირმა გამოიყენა არალეგალურად:

• პოს-ტერმინალში
• ბანკომატში
• ინტერნეტში

ეს სერვისი თიბისი ბანკის ყველა კარტაზე ვრცელდება და გააქტიურება შეგიძლიათ როგორც ახალ, ასევე არსებულ ბარათზე. დაწვრილებითი ინფორმაციისთვის შეგიძლიათ ეწვიოთ თი ბი სი ბანკის ნებისმიერ ფილიალს.